ауызша жауынгерлік бұйрық

(Устный боевой приказ)

ұрыс жағдайында командирдің қабылдаған шешімін іске асыру үшін қол астындағы әскерлерге ауызша беретін бұйрығы. Бөлімше командирі ұрыста өз бөлімшелерін басқара отырып тек ауызша, белгілі жүйеде бұйрық береді. Мыс., батальон (рота) командирі А.ж.б-та бағытты нұсқайды, қарсылас жөнінде қысқаша мәлімет береді, батальонның (ротаның) ұрыстағы міндетін көрсетеді, аға командирдің күш-құралдарымен жойылатын нысаналар мен объектілерді, көршілердің міндетін, артиллерия мен өзге де атыс құралдарының қарсыласты жоюдағы міндетін, міндеттерді орындауға дайындық уақыты мен белгілерді, өз орны мен орынбасарының орнын көрсетеді.